Georg Harasser

Papa - scho so long hob i mi davua gfürcht, dass i von dir Abschied nemma muass. Iatz is der Tog kemma - und nix werd mehr so sei, wia's wor, dei Platz bleib für immer laar. Trotzdem bin i so dankbar, dass i mi nu von dir verabschieden hob kinna. Danke fi ois, wos du für mi tu host, i hätt mir koan bessan Papa vuastön kinna. Unbezahlbar de vün Stunden, de du in insan Haus gwerkt host, damit mia a gemütlichs Dahoam kriagn. Koa Zimmer, wo du ned eppas gmocht host. In jeden Raum send Erinnerungen an di. Und de ku mir koana nemma. Du worst a gonz besonderer Mensch. I trag di bei mir, bis in de Ewigkeit. Hob di lieb🖤

20.02.2026 21:23 - Deine Petra

Liawa Papa🖤
Im Moment ku is nu go ned so richtig glam, dass du nimma aufn Tiwan in da Stubn sitzt, wenn i zu enk umme schaug.
Mia homb gwisst, dass der Tog kemma weascht und decht is oiwä zfria zum pfiati song.
I bi unendlich dankbar, dass i so an netten, liebevollen und lustigen Papa kob hob. Wenn i an di denk, kimb sofort a Gefühl der Wärme in mia auf. Du host mi nia richtig gschimpft, obwois ma sicher ned gschod hätt. Vo deiner Zufriedenheit kuntnd si vü wos oschnein. Trotz deiner Krankheit wor dei Leben erfüllt. A guads Essen, a bissl Bastln mitn Hoiz und de Mama deiner Seitn - mehr host du für a glückliches Leben ned braucht, a wenn ned jeder Tog oafoch für di wor.
Du hinterlasst a große Lücke, owa durch de vün schen Erinneringen an di, fongs hell wean u und du weast immer a Liachtl in dunklen Zeiten fe ins sei. Danke fe ois und a letztes Pfiat di🖤

19.02.2026 14:27 - Bettina