Johann Schneeberger

Lieber Opa oder wie apoa fe deine Urenkle ze dir gsog hom "kloana Opa"!

Für uns Enkle woa die Schüensta Kuchl wie ah zweite Heimat. It lei wenn da Rach aufgong isch, sondern vor ollem um Zeit mit dir und da Oma zi vabring.
Fa uns isch des olbm epes bsundas gewesen, wennmen in da Runde iba Gott und die Welt geredet hot. Drausn af da Schüensta Bonk hot sich viel ohgspielt und bsundas mitn Hoangast mit dir Opa, isch die Zeit lei asou vaflougn.
Wennmen ungfong hot iban Krieg ze reden, hosche goa nema aufhean gewellt. Es woa dir ah Anliegen uns ze dazeilen, wos do asou passiert isch. Mir hom ungfong olls aufzeschreiben, sou viel wie du uns dazeilt hosch. Jo, do seima oft und longe mit dir zomegsessen. Danoch homa mit an Schnapslen ungstößen, mir aus an Stampalen und du liaba glei aus da Metaxaflosche.
Angaling hosche oba gsog "I hea nix mehr und i sich nix mehr".
Des Gsatzle hot uns oftramol awe zen Schmunzeln brocht, weil gsechn, geheat und vaston hosche des oan oda ondare Mol decht überraschend viel und vor ollem holt gean des, wose gewellt hosch.
Dir woas olbm wichtig dei Runde ze gien, zerst aloane oda mit da Oma. Spata oft in Oltasheim, die tägliche Runde auchn afn Friedhof za Oma. Wennma mitgong seim hosche uns olleweil wieder gezoag, welches Platzle fa di reserviert isch. Gemoant hosche: "De Leibigen untn und da Ringeste kimp oft oben auf".
Jo, du hosch es schun nema dawortn gekinnt. Wie du olba gsog hosch, dei Aufgobe woas af de Oma ze schaugen und in liabest wasche mit ihr zomme hoamgong.
Auf de Froge dei Woche, obe woll wieder gsund fen Kronknhaus hoamkimsch, hosche lei awe gelocht und gsog: "Jojo, i kim woll hoam".
Opa hetz bische woll dahoame, wieder dahoame be da Oma - sou wie du des schun longe gewellt hosch. Mir hom uns heint festlich und forbig ungeleg, um uns mit dir ze gfreien und mit dir ze feiern, dasses endlich gschofft hosch. Trotzdem gehsche uns hetz schun oh. Griaß uns de Oma und olle, wos uns schun vöraus gong hent.
Danke fa de schiene Zeit, wosma gemeg hom mit dir vabring.

Pfiete Opa!

Deine Enkelkinder

12.08.2020 00:15 - Elisa

Aufrichtige Anteilnahme

08.08.2020 13:03 - Mariacher Helene und Hans

Es isch no nit so longe her –
Hons, mia sechn di mit dem Michlkandelen in da Hond - is Schildkapple auf - pfeifengrod und schmissig zwischn die Häusa obe gien – wia a junga Bua bisch du uns viakemm. Mia hom di imma bewundat, wie guet du in dein Olta no beinonda bisch.
In dein geliebten Gartlen bisch du mit da Mame aufn Bankl gsessn und hosch uns von den olten Zeiten und vom Krieg dazählt – wie aus da Pistole gschossn und ohne Unterbrechung hosch du uns in vagongene Zeiten eintauchen lossn. Du woasch a supa Erzähler. Du hosch uns sogoar an Löffl als Erinnerung gschenkt, den du von dein Bruda Lois – mein Papa und Schwiegapapa– im Krieg in Kirkenes in Nordnorwegen bikemm hosch – bis voa a poar Joahr hosch du no damit gessn. Hetz hot er in unsera Ahnenvitrine a Ehrenplatzl.
Moidl und du – deis woads a gonz a feines Poar – Zsommenhelfen, zsommholten, aufrichtig, grodlinig, bescheiden, gerecht, oarbeitsom, redlich und gläubig sein woar füa enk des gonze Lebn selbstverständlich. Deinen Prinzipien bisch du imma treu gebliebm.
Wie die Moidl vor 2 Joahn ihre letschte Reise ongetreten hot, hosch du koa Aufgobe auf dea Welt mehr gsechn – dei Zustand hot sich donn vaschlechtert und du hosch imma wieda gsog: I mecht gien! Da Herrgott soll mi holn!
Nun isch es soweit – du bisch auf deina letschten Reise! No oamol mecht i di in Gedonkn umormen – dia a Bussl auf die Wonge druckn und dabei dein vaschmitzes Lochn sechn – so wea ma di in Erinnerung beholtn – im Herzn trogn und di nia vagessn.
Vagelts Gott sogn mecht ma , dass ma olleweil bei enk willkommen woarn und die Tür imma offn gstondn isch. Des hot schun unsa Papa so sehr gschätzt. Vagetls Gott a für die unvagessenen feinen Boislen und für so machen guaten Råt. Du bisch und bleibsch a großes Vorbild für uns. Bleibsch unvagessn!
Lieba Hons, ruhe in Frieden. Griaß uns die Moidl und unsare Liebm!
Liebe Trauerfamilien!
Euch allen unser aufrichtiges Mitgefühl und viel Trost in der Gewissheit, dass nichts Gutes verloren geht.
Irmhild und Wolfgang

07.08.2020 08:18 - Irmhild & Wolfgang

Als Gott sah,
dass der Weg zu lang,
der Hügel zu steil,
das Atmen zu schwer wurde,
legte er seinen Arm um mich
und sprach: Komm heim.

Liebe Trauerfamilie!

Herzliches Beileid, viel Kraft und Zuversicht.

Martha & Paul Klaunzer

06.08.2020 21:51 - Martha & Paul Klaunzer

Liebe Schüensta Familie!
Unser herzlichste Beileid zum Heimgang von eueren geliebten Tatn, mögen enk viele feine Erinnerungen in der trauernden Zeit begleiten.
Hons, Vergelts Gott fia dei feine Zeit wos ma gemeg homin be enk in da Gossn sein, Ruhe in Frieden und griess ma de Hintamarktlare in Himmle.

06.08.2020 21:06 - Marion und Hermann

Liebe Schüeschta Familie
Herzliches Beileid zum Heimgang eures lieben Opas. Hetz mog er roschtn bei da Moidl
Ruhe in Frieden Schüeschta Tate

06.08.2020 21:01 - Fam.Hauser Robert u.Maria

Ich schenk' dir einen Regenbogen
rot und gelb und blau.
Ich wünsch' dir was! Was ist denn das?
Du weißt es doch genau.

Ich schenk' dir hundert Seifenblasen,
sie spiegeln mein Gesicht.
Ich wünsch' dir was! Was ist denn das?
Nein, ich verrat's dir nicht!

Ich schenk' dir einen Kieselstein,
den ich am Wege fand.
Ich wünsch' dir was! Was ist denn das?
Ich schreib's in deine Hand.

Ich schenk' dir einen Luftballon,
er schwebt ganz leicht empor.
Ich wünsch' dir was! Was ist denn das?
Ich sag's dir leis ins Ohr.

Ich schenke dir ein Kuchenherz,
drauf steht: Ich mag dich so!
Ich wünsch' dir was! Was ist denn das?
Jetzt weißt du's sowieso!

"Gemma kloanen Opa besuchen, mam mam bringen" -
so waren es die Worte von deinen jüngsten Urenkelen am Montag Vormittag,
doch dein Zimmer / dein Bett war leider leer.

"Kloana Opa" - du weasch immer an besonderen Platz in unserem Herzen haben.

06.08.2020 20:48 - Kathi & Hannes mit Johannes

Einzigartig warst DU,
unvergessen bleibst DU uns,denn deine feinen Hoangaschte (besonders der Thismas)die werd ich stets in Ehren halten es war a sehr wertvolle Zeit DANKE DIR!...von Herzen
“is Obermauern“ mit Melanie

06.08.2020 17:26 - Unser Beileid ALLEN !

Die schönsten Momente im Leben sind die,
bei denen man lächeln muss, wenn man sich zurück erinnert.
Erinnerungen die unser Herz berühren gehen niemals verloren!
Das Leben ist begrenzt, aber die Erinnerung unendlich.
Pfiete Hons donkschian fa de schiane Zeit bin Schüster.
Wörlitzer Theresia

06.08.2020 17:24 - Köll Theresia&Anda

Wenn i aufn Schüaster Opa aufdenk, misse ollm awe lochen. Er hot ma oft feine Gschichtlen dazählt fi friah. Wenne zeascht ausou kemm bin hota olm gsog hetz sitz lei amol nieder, temma awe hoangaschten selle ischen wichtig gewesen. Mia hom uns sou güat vetstonden, hun a gsog des isch awe mei Opa a gewesen. Hetz moga rosten bi da Moidel.
Mochs güat und griaßma di meinigen!

06.08.2020 15:44 - Helga

Ein gutes Herz hat aufgehört zu schlagen
Ruhe in Frieden

06.08.2020 13:40 - Lisl, Lienzerstrasse 31

Und irgendwo sind immer
Spuren deines Lebens.
Gedanken, Bilder,
Augenblicke, Gefühle.
Sie werden uns immer an dich erinnern
und dich dadurch nie vergessen lassen.

In liebem Gedenken,
Harald und Marianne mit Kindern

06.08.2020 13:37 - Harald und Marianne mit Kindern

Der Tod ist wie ein Horizont,
dieser ist nichts anderes als die Grenze unserer Wahrnehmung.
Wenn wir um einen Menschen trauern, freuen sich andere,
ihn hinter der Grenze wieder zu sehen.

Liebe Trauerfamilien!
Wir durften Johann kennenlernen und ein kurzes Stück seines Lebens begleiten. Nun trauern wir mit Euch, wir beten mit Euch und wir wünschen Euch viel Kraft und Trost in dieser schweren Zeit!

06.08.2020 13:25 - WPH - MAtrei